![](https://safneign.listasafnreykjavikur.is/sites/default/files/styles/lsr_smallerphoto/public/lsr_collection/7/b/c/lsr_photo_smallerphoto_1541516730_0d89c1a3f92108cff185e87136fd687a_0.jpg?itok=zJecLXVg)
Má bjóða þér meira?
Anna Líndal
- Ár : 1995
- Hæð : 70 cm
- Breidd : 39 cm
- Grein : Ljósmyndun
- Undirgrein :
Myndaröðin sýnir listakonuna með munstraða svuntu, hægláta konu við þá hversdagslegu athöfn að hella kaffi í bolla. Örlæti hennar er þó með þeim hætti að upp úr flóir og það skapast eins konar hættuástand. Svipað ástand og þegar konur kölluðu á athygli og fóru fram á jöfn tækifæri á við karla. Togstreitan á milli einkalífs og utanaðkomandi væntinga samfélagsins er endurtekið stef í verkum frá fyrri hluta ferils Önnu. Þá ákvað hún sem ung móðir að afmarka efnisval sitt við það sem var til staðar inni á heimilinu og breytti þannig aðstæðum sem almennt var litið á sem heftandi í kjörlendi sinnar listrænu sköpunar.
Veistu meira? Líka við Mitt safn